Agentlik rəhbəri Bərdə Dövlət Peşə Təhsil Mərkəzində olub
Yanvarın 30-da Peşə Təhsili üzrə Dövlət Agentliyinin direktoru İlqar Bayramlı və direktor müavini Simnar Mamedov Bərdə Dövlət Peşə Təhsil Mərkəzinə rəsmi səfər ediblər.
"Azərbaycan müəllimi" xəbər verir ki, ziyarət çərçivəsində qonaqlar mərkəzin inzibati-rəhbər heyəti ilə tanış olub, tədris prosesi və idarəetmə fəaliyyəti barədə məlumat alıblar.
Səfər zamanı emalatxanalar, sinif otaqları, yataqxana, STEAM və Karyera mərkəzləri və mərkəzin maddi-texniki bazası ilə yaxından tanışlıq həyata keçirilib. Eyni zamanda peşə təhsilinin inkişafı, mövcud vəziyyət və perspektivlərlə bağlı ümumi məsələlər ətrafında müzakirələr aparılıb.
