BSU “Elmi əsərlər” jurnalının yubiley nömrəsi üçün məqalə qəbulu elan edir
Bakı Slavyan Universiteti (BSU) “Elmi əsərlər” jurnalının fəaliyyətə başlamasının 70 illik yubileyinə həsr olunmuş buraxılışları (İctimai elmlər seriyası; Dil və ədəbiyyat seriyası) üçün məqalələrin qəbulunu elan edir.
Bu barədə “Azərbaycan müəllimi”nə BSU-dan məlumat verilib.
Bildirilib ki, bu yubiley buraxılışı həm universitet, həm də Azərbaycan elmi üçün əhəmiyyətli bir tarixdir. Jurnalın tarixi 1955-ci ildən başlayır. “Elmi əsərlər” jurnalı “Dil və ədəbiyyat”, “İctimai və siyasi elmlər” seriyaları ilə ildə iki dəfə nəşr olunur.
Məqalələr üçün tələblər:
− Məqalələr Azərbaycan, rus, türk və ingilis dillərində yazıla bilər.
− Bütün məqalələrin Azərbaycan, ingilis və rus dillərində 250-300 sözdən ibarət xülasələrinin olması zəruridir.
− Məqalələrdə müəllifin adı və soyadı, elmi dərəcəsi, elmi adı, təmsil etdiyi müəssisə, tutduğu vəzifə, elektron poçt ünvanı, ORCİD İD ünvanı mütləq qeyd edilməldir.
− Məqalələrin həcmi 8–15 səhifə (Times New Roman, ölçü: 12, sətirlərarası interval: 1,5) olmalıdır.
− Ədəbiyyat siyahısı və istinadlar Azərbaycan Respublikası Ali Attestasiya Komissiyasının dissertasiyalar üçün müəyyənləşdirdiyi tələblərə uyğun şəkildə tərtib edilməldir.
Məqalələrinizi elektron formatda science.journal@bsu-uni.edu.az elektron poçt ünvanına göndərə bilərsiniz.
Məqalələrin göndərilməsi üçün son tarix: 30.09.2025
