Cəlilabad Dövlət Peşə Təhsil Mərkəzində Aqrar Biznes Festivalı keçirilib - FOTO
Cəlilabad Dövlət Peşə Təhsil Mərkəzində Aqrar Biznes Festivalı keçirilib.
Mərkəzdən "Azərbaycan müəllimi"nə verilən məlumata görə, festival Kənd Təsərrüfatı Nazirliyinin Aqrar İnnovasiya Mərkəzi və Elm və Təhsil Nazirliyi yanında Peşə Təhsili üzrə Dövlət Agentliyinin birgə təşkilatçılığı ilə aqrar innovasiyaların təbliği və təşviqi məqsədilə keçirilib.
Tədbirdə Aqrar İnnovasiya Mərkəzinin direktoru Anar Cəfərov, Cəlilabad Rayon İcra Hakimiyyəti başçısının birinci müavini Qalib Xudaverdiyev, Elm və Təhsil Nazirliyi yanında Peşə Təhsili üzrə Dövlət Agentliyinin direktor müavini Kənan Mirzəyev çıxış ediblər.
Festivalda nümayiş olunan Cəlilabad Dövlət Peşə Təhsil Mərkəzinə məxsus müasir kənd təsərrüfatı texnikaları və tələbələrin əl işlərindən ibarət sərgi festival iştirakçıları tərəfindən maraqla qarşılanıb.
