İmişli məktəbliləri beynəlxalq olimpiadanın qalibi olublar
İki İmişli məktəblisi Türk dünyasının ilk Beynəlxalq Riyaziyyat Olimpiadasının qalibi olub.
Mil-Muğan Regional Təhsil İdarəsindən "Azərbaycan müəllimi"nə verilən məlumata görə, olimpiadada iştirak etmiş İmişli şəhər Eldar İbrahimov adına 4 nömrəli tam orta məktəbin VI sinif şagirdləri Hüseyn Behbudov qızıl, Ümid Quluzadə isə bürünc medal qazanıblar.
Olimpiadanın məqsədi türk dünyası ölkələrində təhsil alan istedadlı şagirdləri üzə çıxararaq onları beynəlxalq arenada tanıtmaqdır.
