19 dekabr 2024-cü il tarixində Elm və Təhsil Nazirliyinin dəstəyi, Dövlət Proqramı İdarəetmə Qrupunun təşkilatçılığı ilə “2022-2028 Dövlət Proqramı məzunları ilə şəbəkələşmə görüşü” adlı tədbir keçirilmişdir.

“Azərbaycan müəllimi” xəbər verir ki, tədbirin keçirilməsində məqsəd 2024-cü il üzrə məzun olan proqram iştirakçılarını qarşılanması, onların öncəki ilin məzunları və işəgötürən qurumlarla bir araya gətirilərək şəbəkələşməsinin həyata keçirilməsi olmuşdur.

Tədbirdə Elm və Təhsil Nazirliyinin rəsmiləri, Dövlət Neft Fondunun nümayəndələri, 30-a yaxın ölkənin nüfuzlu dövlət və özəl sektorlarını təmsil edən qurumların nümayəndələri və 150-dən çox Dövlət Proqramı məzunu iştirak etmişdir.

Tədbirin açılış hissəsində Dövlət Proqramı İdarəetmə Qrupunun rəhbəri Turan Topalova məzunlarını salamlayaraq, onları təbrik edib və gələcək karyera həyatlarında uğurlar arzu etmişdir, Elm və Təhsil Nazirinin müavini Həsən Həsənli və Dövlət Neft Fondunun icraçı direktorunun müavini Rövşən Cavadov Dövlət Proqramı məzunlarına öz təbriklərini ünvanlamışdır.

Daha sonra tədbir məzunlar və işəgötürən qurumlar arasında ilkin əlaqə sıxlığının qurulması istiqamətində şəbəkələşmə oyunu ilə davam etmişdir.

Tədbir Dövlət Proqramı məzunları üçün təşkil edilmiş əyləncə proqramı ilə başa çatmışdır.