Azərbaycan Respublikası Elm və Təhsil Nazirliyinin təşkilatçılığı, “Kapital Bank”ın dəstəyi ilə “Təhsil Oyunları Platforması” layihəsi 27 oktyabr tarixində Azərbaycan dilində 6-9 və 10-11-ci sinif məktəblilərindən ibarət olan komandalar arasında "Nə? Harada? Nə zaman?" oyunu üzrə Respublika kubokunun finalını keçirilib. 

“Azərbaycan müəllimi” xəbər verir ki, yarışda Bakı, Sumqayıt, Gəncə, Qax, Şəki, Füzuli, Ağdam, Cəbrayıl, Quba, Lənkəran, Astara, Goranboy komandaları iştirak edib. Finala seçim oyununda yüksək nəticə göstərən və canlı regional kubok oyunlarında qalib gələn 6-9-cu sinifləri təmsil edən 13, 10-11-ci sinifləri təmsil edən 21 komanda iştirak edib. 

Final 3 turdan ibarət olub və komandalar 36 suala cavab tapmalı idilər. Qalib komandaları təqdim edirik:

6-9-cu siniflər üzrə:

1-ci yer: "Golden Humanitar", Humanitar fənlər təmayüllü məktəb-lisey, Bakı;

2-ci yer: "Sabahın gəncləri", Humanitar fənlər təmayüllü məktəb-lisey, Bakı;

3-cü yer: "Kvebek", Şəki Kimya biologiya təmayüllü lisey.

10-11-ci siniflər üzrə:

1-ci yer: “Dahilər” Sumqayıt şəhər Təbiət elmləri təmayüllü gimnaziya; 

2-ci yer: "Zəkalar SR", 287 nömrəli "Zəkalar" liseyi, Bakı;

3-cü yer: "Tesla" Qax şəhər E.Babayev adında 4 nömrəli tam orta məktəb.

Qaliblər kubok, medal, diplom və kitab hədiyyələri ilə təltif ediliblər.

Qeyd edək ki, “Təhsil Oyunları Platforması” layihəsi 2020-ci ildən başlayaraq məktəblilərin təhsilə marağının artırılması məqsədilə əyləncəli tədris formatında onlayn və canlı intellektual oyunlar keçirir. Layihə bütün respublikanı əhatə edir.