"Bütün təhsil səviyyələrində – məktəbəqədər təhsildən ali təhsilə qədər iqlim dəyişikliyi ilə bağlı biliklərin, bacarıqların və dəyərlərin öyrədilməsi davamlı həllər üçün vacibdir".
"Azərbaycan müəllimi" xəbər verir ki, bunu UNESCO-nun Sülh və Dayanıqlı İnkişaf bölməsinin rəhbəri Kristofer Kastl COP29 çərçivəsində “İqlim dayanıqlılığı üçün insan inkişafı üzrə Bakı Təşəbbüsü” mövzusunda keçirilən birgə iclasda deyib.
O, təhsil sistemlərinin yaşıllaşdırılması üçün böyük investisiyaların zəruriliyinə də diqqət çəkib:
"Məktəblərin infrastrukturu, müəllimlərin iqlim təhsili üzrə hazırlığı və beynəlxalq qiymətləndirmələrin tətbiqi bu prosesin əsas tərkib hissələridir.
UNESCO 93 ölkə və 1400 təşkilatla birgə "Təhsilin yaşıllaşdırılması tərəfdaşlığı" çərçivəsində fəaliyyət göstərərək təhsil sistemlərinin iqlim dəyişikliyinə davamlılığını artırmağa sadiqdir. Bu təşəbbüslər qlobal miqyasda davamlı gələcək qurmaq məqsədini güdür", - deyə K.Kastl qeyd edib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər