"Erkən təhsilin keyfiyyəti olduqca vacibdir. Bu, uşaqlarla informativ əlaqədən, pedaqoqların hazırlıq səviyyəsindən və valideynlərin bilikli olmasından asılıdır".
"Azərbaycan müəllimi" xəbər verir ki, bunu “Kindred” Erkən İnkişaf Fondunun direktoru, “Ofsted in” İdarə Heyətinin üzvü, Böyük Britaniyanın Təhsil departamentinin məsləhətçisi Felesiti Gilespi "Məktəbəqədər təhsildə keyfiyyətə yeni baxış" mövzusunda keçirilən II beynəlxalq konfransda çıxışı zamanı deyib.
O bildirib ki, bizim üçün hər şey neyroloji inkişafdan asılıdır. Körpə beyni doğulanda 25 faiz inkişaf etmiş olur. 3 yaşa qədər 80 faizi inkişaf edir.
"Tədqiqatlar göstərir ki, uşağın 22 aylıq inkişaf göstəricisi 26 yaşında təhsil nəticələrini müəyyənləşdirir. Erkən təhsili zəif olanların doktorluq və magistratura dərəcəsi alması faizi çox aşağıdır. Erkən yaşlar beyin inkişafının zirvə nöqtəsidir. Körpənin ilk illəri olduqca önəmlidir. İlk illərdə körpələrin beynində hər saniyədə 1 milyondan çox yeni sinir əlaqələri yaranır. Onların beyni partlayışla inkişaf edir. Bu baxımdan erkən təhsilə ciddi diqqət yetirilməlidir".
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)