Azərbaycan Dövlət Pedaqoji Universiteti Təhsil Könüllüləri Tələbə Birliyinin (ADPU TKTB) SABAH qruplarının təşkilatçılığı ilə 3 Dekabr - Beynəlxalq Əlillər Gününə həsr olunmuş “İnklüziv təhsil üçün daimi peşəkar inkişaf” layihəsi həyata keçirilib.
Bu barədə universitetdən “Azərbaycan müəllimi”nə məlumat verilib. Bildirilib ki, layihə çərçivəsində təşkil edilmiş interaktiv seminarda ADPU-nun İbtidai təhsilin pedaqogikası kafedrasının baş müəllimi pedaqogika üzrə fəlsəfə doktoru Gülşən Eminova “İnklüziv siniflərdə müxtəlif təlim üsulları”, “Təqdimat və çıxış bacarıqlarının formalaşdırılması”, “İnküziv siniflərdə bədən dilinin planlaşdırılması” mövzularında təqdimatla çıxış edib.
Seminarın ikinci hissəsində tələbələr qruplar şəklində praktik tapşırıqlar icra edərək, təlimdən əldə etdikləri nəzəri bilikləri əyani olaraq tətbiq ediblər.
Tələbələr tərəfindən böyük maraqla qarşılanan seminarın son mərhələsində icra edilən tapşırıqların nəticələri dəyərləndirilib, iştirakçıları maraqlandıran suallar cavablandırılıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)