Şimal Qütbündə qeyri-adi istilər müşahidə olunur. Fevralın 2-də temperatur sıfır dərəcəni keçərək 0,5°C-ə çatıb. Bu isə 1991-2020-ci illər üzrə ortalama temperaturdan 20°C yüksəkdir.
“Azərbaycan müəllimi” xəbər verir ki, Avropa İttifaqının “Copernicus” İqlim Dəyişikliyi Xidməti və Arktikada yerləşən ölçmə cihazları bu istiləşməni qeydə alıb. Finlandiya Meteorologiya İnstitutunun mütəxəssisi Mika Rantanen bunun “çox ekstremal bir qış istiləşmə hadisəsi” olduğunu bildirib.
Alimlər bu istilərin dəniz buzlarının əriməsini sürətləndirəcəyindən narahatdırlar. Beynəlxalq Elm Şurasının məlumatına görə, Arktikada temperatur dünya üzrə orta göstəricidən dörd dəfə daha sürətlə artır. Buz əridikcə, torpaq və su daha çox günəş işığını udur, nəticədə istilik daha da artır.
Arktikanın ekosisteminə və yerli icmalara ciddi təsir göstərən bu proseslər qütb ayılarından tutmuş balinalara qədər bir çox canlı növünün həyatını təhlükəyə atır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər