Bütün xəbərlər
5 iyun, 09:51

Mayın 29-da Azərbaycan Milli Konservatoriyasında “Miras” layihəsi çərçivəsində “Bülbülə ehtiramla” adlı tədbir keçirilib.

Konservatoriyadan “Azərbaycan müəllimi”nə bildirilib ki, “Miras” layihəsi bu dəfə Azərbaycan peşəkar vokal sənətinin banisi, musiqi folkloru tədqiqatçısı, professor, SSRİ Xalq artisti Bülbülə həsr olunub.

Tədbir çərçivəsində ilk olaraq “Bülbülün portreti: arxiv materiallarının işığında” adlı elmi seminar təşkil edilib. Seminar AMEA-nın Memarlıq və incəsənət şöbəsinin müdiri, sənətşünaslıq doktoru, professor İradə Köçərlinin Bülbül yaradıcılığında elmi çalarları əks etdirən çıxışı ilə davam edib.

Seminarda Azərbaycan Milli Konservatoriyasının rektoru, sənətşünaslıq doktoru, Əməkdar incəsənət xadimi Kamilə Dadaş-zadə, elmi işlər üzrə prorektor, Əməkdar incəsənət xadimi Lalə Hüseynova, tələbə və müəllimlər iştirak ediblər. Mühazirə zamanı Bülbülün çoxşaxəli fəaliyyəti, onun Azərbaycan musiqi tarixində tutduğu mövqe, arxiv materialları və araşdırmalar əsasında ətraflı təhlil edilib.

Seminarın sonunda professor İradə Köçərli AMK-nın kitabxanasına Bülbül yaradıcılığı ilə bağlı son tədqiqatlardan ibarət kitab toplusunu hədiyyə edib.

Elmi seminardan sonra tədbir iştirakçıları, qonaqlar və media nümayəndələri Azərbaycan Milli Konservatoriyasında “Bülbül vokal məktəbi” otağının açılışında iştirak ediblər. Qeyd olunmalıdır ki, bu otağın yaradılması “Miras” layihəsi çərçivəsində həyata keçirilib.

Bülbül vokal məktəbi otağı muzey formatında təqdim olunub. Otaq Bülbülə məxsus əlyazmalar, kitablar, Bülbülün yaradıcılığını əks etdirən fotoşəkillərlə, o dövrün afişaları ilə zənginləşdirilib.

Tədbirin növbəti mərhələsində isə “Miras” layihəsi çərçivəsində Azərbaycanın vokal sənətinin banisi, böyük sənətkar Bülbülə həsr olunmuş konsert proqramı təqdim olunub.

İlk olaraq söz Azərbaycan Milli Konservatoriyasının rektoruna, sənətşünaslıq doktoru Kamilə Dadaş-zadəyə verilib. O, çıxışında qonaqları salamlayıb, “Miras” layihəsinin bir aydan çoxdur ki, öz işinə start verdiyini vurğulayıb. Layihənin əsas ideyası və fəlsəfi əsaslarından bəhs edərək bildirib ki, layihə musiqinin zaman və məkan anlayışını aşan təbiətinə əsaslanır. Rektor layihənin xronoloji prinsipə deyil, mənəvi ardıcıllığa söykəndiyini dilə gətirib.

Ardından Bülbül vokal məktəbinin təqdimatında Bülbülün həyat və yaradıcılıq fəaliyyətini əks etdirən sənədli film nümayiş olunub.
Konsert proqramı Əməkdar artist Emil Əfrasiyabın ifasında Asəf Zeynallının musiqisi və Cəfər Cabbarlının sözlərinə bəstələnmiş “Ölkəm” əsəri ilə başlayıb. Ardınca Üzeyir Hacıbəylinin musiqisi və Nizami Gəncəvinin sözlərinə yazılmış “Sənsiz” romansı Əməkdar artist Əliəhməd İbrahimov tərəfindən səsləndirilib. Onu fortepianoda Əməkdar müəllim Naibə Şahməmmədova müşayiət edib. “Qara tellər” xalq mahnısı Mirəli Sarızadənin ürəkləri oxşayan ifasında təqdim olunub. Onu Əfqan İsgəndərov, Əli Rüstəmbəyli və Lazım Ağayev müşayiət edib.
Daha sonra “Arzu” romansı Nəzrin Mansırlının ifasında səsləndirilib. Növbəti çıxışda isə Taleh Yahyayevin ifasında Niyazinin “Vətən nəğməsi” əsəri təqdim olunub. İfaçını fortepianoda Nigar Hüseynzadə müşayiət edib. Əməkdar artist İlkin Əhmədov təsnif ifa edib.

Konsertin xüsusi məqamlarından biri Üzeyir Hacıbəylinin “Koroğlu” operasından Koroğlunun ariyasının həm Bülbülün, həm də Ramil Qasımov tərəfindən duet şəklində səsləndirilməsi, Bülbülün arxiv ifası ilə Emil Əfrasiyabın canlı fortepiano ifası olub. Bu nömrələr klassika ilə müasirliyin uğurlu qovuşmasını nümayiş etdirib və tamaşaçıların böyük rəğbətini qazanıb.

Konsertin sonunda səhnəyə çıxan Əməkdar artist, Azərbaycan Milli Konservatoriyasının Milli vokal kafedrasının müəllimi və Bülbül vokal məktəbinin təsisçisi Ramil Qasımov “Bülbül vokal məktəbi" otağının açılışı münasibətilə rektor Kamilə Dadaşzadəyə və AMK rəhbərliyinə təşəkkürünü bildirib.

“Miras” layihəsi milli musiqi irsimizin gələcək nəsillərə ötürülməsi baxımından əvəzsiz əhəmiyyətə malikdir. Azərbaycanın unudulmaz vokal ifaçısı, sənətkarı, Xalq artisti Bülbülə həsr olunmuş “Miras” layihəsi öz işini uğurla başa vurub.

1 /7

Şərhlər

Xəbər lenti

20 avqust, 09:40

SABAH.HUB tərəfindən təşkil olunan proqram üçün müraciət müddəti uzadılıb

20 avqust, 09:33

MİQ-in müsahibə mərhələsində iştirak edəcək namizədlərin NƏZƏRİNƏ!

20 avqust, 09:30

Ali təhsil müəssisələrinə ixtisas seçimi başa çatıb

20 avqust, 09:21

Azərbaycan Milli Konservatoriyası vakansiya elan edib

19 avqust, 17:09

Şagirdlərin elektron yerdəyişməsi prosesinin müddəti uzadılıb

19 avqust, 17:03

Qarabağ Universitetində şöbə müdiri vakansiyası elan olunub

19 avqust, 16:53

Gündə 30 dəqiqəlik oxu vərdişi beyin fəaliyyətini gücləndirir

19 avqust, 16:48

Magistraturanın boş qalan plan yerlərinə qəbulun nəticələri AÇIQLANDI

19 avqust, 16:42

Rezidenturaya qəbul olunan namizədlərin elektron qeydiyyatı başlayır

19 avqust, 15:06

Dərs otağından yay düşərgəsinə: Bahar müəllimin fərqli dərsləri

19 avqust, 14:41

Süni intellekt dövründə təhsil: Məktəblərdə yumşaq bacarıqlar necə öyrədilməlidir?

19 avqust, 14:30

"Evrika!” anı qəfil yaranır? – Alimlərdən maraqlı araşdırma

19 avqust, 13:58

Alimlər ən “süni” bakteriyanı yaradıblar 

19 avqust, 13:43

2030-cu ilədək Çinin bütün orta məktəblərində süni intellekt tətbiq ediləcək

19 avqust, 13:22

BANM tələbələri beynəlxalq proqramda 7000 ABŞ dolları mükafat qazanıblar

19 avqust, 13:05

Gəncə və Goranboyda yenilənmiş tam orta məktəblərə qəbul həyata keçirilir

19 avqust, 12:47

Geomaqnit qasırğası gözlənilir

19 avqust, 12:31

Sabahın hava proqnozu açıqlanıb

19 avqust, 12:26

Sertifikatlaşdırmada yüksək nəticə göstərənlər üçün xüsusi təşəbbüs reallaşdırılıb

19 avqust, 12:22

Yataqxanalarla bağlı normalar təsdiq olunub – QƏRAR

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.