Məktəbəqədər və Ümumi Təhsil üzrə Dövlət Agentliyinin fəaliyyət planına uyğun olaraq, Gəncə-Daşkəsən Regional Təhsil İdarəsinin tabeliyində olan iki ümumi təhsil müəssisəsində mühüm struktur dəyişiklikləri həyata keçirilib.
“Azərbaycan müəllimi” xəbər verir ki, Gəncə şəhər S.Vurğun adına 41 nömrəli ümumtəhsil məktəbi humanitar və təbiət fənləri təmayüllü lisey statusu alıb.
Göygöl şəhər texniki və təbiət fənləri təmayüllü lisey isə fəaliyyətini təkmilləşdirərək yeni tədris ilinə daha güclü resurslarla başlayır.
V–IX siniflər üzrə şagird qəbulu üçün qeydiyyat 5–13 avqust tarixlərində sy.edu.az platforması üzərindən aparılacaq.
Qəbul imtahanları isə 16–17 avqust tarixlərində təşkil ediləcək.
Fəaliyyət göstərəcək liseylərdə:
– Fənlərin tədrisi ən yüksək nəticələrə malik peşəkar müəllimlər tərəfindən aparılacaq;
– Şagirdlərin bilik və bacarıqlarını inkişaf etdirmək üçün fərdi yanaşmalar təmin ediləcək;
– Tələb və ehtiyaclara uyğun yeni nəsil təlim metodları tətbiq ediləcək;
– Hər bir şagirdin inkişafına sistemli və məqsədyönlü dəstək veriləcək.
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər