Elm adamları "Enaiposha" (GJ 1214 b) adlanan unikal ekzoplaneti kəşf ediblər.
“Azərbaycan müəllimi” xəbər verir ki, bu araşdırmanın nəticələri “The Astrophysical Journal Letters” jurnalında dərc olunub.
Belə ki, 47 işıq ili uzaqlığında olan “Orkaria” adlı qırmızı cücə ulduz ətrafında dövr edən bu planet əvvəllər mini-Neptun tipinə aid edilsə də, yeni Ceyms Veb Kosmik Teleskopunun (JWST) müşahidələri zamanı onun "Super-Venera" kateqoriyasına aid olduğunu üzə çıxıb.
Radiusu Yer kürəsindən 2,7 dəfə böyük, kütləsi 8,2 dəfə artıq olan “Enaiposha” karbon dioksid və metal buxarlarından ibarət sıx atmosferə malikdir.
Onun atmosferində aerozol buludlarının mövcudluğu da müəyyən edilib. Bu xüsusiyyətlər planetin Venera ilə oxşar, lakin daha böyük olduğunu göstərir.
Tədqiqatçılar planetin unikal strukturu və təkamülünün ənənəvi nəzəriyyələrdən kənar olduğunu vurğulayaraq əlavə tədqiqatların vacibliyini qeyd edirlər. Bu kəşf ekzoplanetlərin öyrənilməsi və potensial yaşayış şəraitlərinin araşdırılması üçün yeni imkanlar açır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər