Naxçıvanlı məktəblilər Çanaqqalaya səfər ediblər
Naxçıvan Muxtar Respublikasının ümumtəhsil məktəblərinin 14 şagirdi “Qardaşlıq və tarix: Çanaqqala görüşü” layihəsi çərçivəsində Türkiyənin Çanaqqala şəhərinə səfər edib.
"Azərbaycan müəllimi" xəbər verir ki, layihə Azərbaycan Dil, Tarix və Mədəniyyət Birliyi Yaşatma və Dəstəkləmə Cəmiyyətinin təşkilatçılığı ilə keçirilir. Şagirdlər dekabrın 1-dən başlayan 5 günlük səfər çərçivəsində iqdırlı məktəblilərlə birlikdə Çanaqqala şəhərində bir neçə proqrama qatılacaq və sözügedən şəhərdə yerləşən “Çimenlik” qalasını, Şəhidlər xiyabanlarını və digər tarixi yerləri ziyarət edəcəklər.
