Peşə məktəblərində oxuyanların 75%-i dövlət hesabına təhsil alacaq
Ali təhsilə keçid imkanı verən yüksək texniki peşə təhsili üzrə ümumilikdə 6 min nəfər təhsil alacaq.
"Azərbaycan müəllimi" xəbər verir ki, bu barədə elm və təhsil naziri Emin Əmrullayev media üçün keçirilən brifinqdə məlumat verib.
Nazir bildirib ki, 2026-cı ildə bu sayın 9 mindən çox olması planlaşdırılır.
Ümumilikdə isə peşə təhsili müəssisələrində yeni tədris ilində 26 min tələbənin təhsil alacağı ehtimal olunur.
2025–2026-cı tədris ili üzrə qəbul olunan tələbələrin 75%-i dövlət sifarişli əsaslarla təhsil alacaq.
Qəbul yerlərinin 60%-i regionlar, 40%-i isə Bakı şəhəri üçün nəzərdə tutulub.
