Elm, təhsil və mədəniyyət sahələrinə ianələr edən sahibkarlar vergi güzəştlərinin tətbiq olunması təklif edilib.
"Azərbaycan müəllimi" xəbər verir ki, belə bir təşəbbüslə millət vəkili Fariz İsmayılzadə çıxış edib.
O bildirib ki, özəl sektorun bu sahəyə dəstəyini təşviq etməklə, dövlətin yükünü müəyyən qədər azaltmaq olar:
"Ölkəmizdə elm, təhsil və mədəniyyət sahələri ənənvəi olaraq dövlətin məsuliyyətində olan sahələr hesab olunur. Lakin beynəlxalq təcrübə onu göstərir ki, bu sahələrin inkişafına özəl şirkətlər də cəlb oluna bilər.
Qarabağ və Şərqi Zəngəzurda aparılan genişmiqyaslı quruculuq işləri dövlət büdcəsinin də yükünü artırıb. Hesab edirəm ki, elm, təhsil və mədəniyyət sahələrinə özəl sektorun dəstəyini cəlb etmək olar və bunun da ən səmərəli yolu xeyriyyə məqsədilə edilən ianələr üçün müəyyən vergi güzəştlərinin tətbiq edilməsidir. Belə vergi güzəştləri özəl sektora təhsil müəssiələrinə daha çox ianələr etmək üçün stimul verər. Ümid edirəm ki, bu təklif müvafiq komitələrdə diqqətlə dəyərləndiriləcək", - deyə millət vəkili qeyd edib.
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər