Aprelin 9-da Azərbaycan Dövlət Neft və Sənaye Universitetinin (ADNSU) rektoru dosent Rüfət Əzizov Azərbaycan Dövlət Su Ehtiyatları Agentliyinin (ADSEA) nümayəndə heyəti ilə görüşüb.
Bu barədə universitetdən “Azərbaycan müəllimi”nə məlumat verilib. Bildirilib ki, ADSEA sədrinin müşaviri Əsəd Şirinov, Strategiya, beynəlxalq əməkdaşlıq və elm şöbəsinin müdiri Riad Axundzadə, həmçinin Elm və innovasiya sektorunun müdiri Əliağa Əzizovun və ADNSU-nun əməkdaşlarının iştirak etdiyi görüşdə su ehtiyatlarının tənzimlənməsi, su resurslarının idarəçiliyində mühəndis kadrların yetişdirilməsindən danışılıb. Eyni zamanda su ehtiyatlarının idarə edilməsində müasir yanaşmalar, eləcə də bu sahə üzrə yüksək ixtisaslı kadrların hazırlanması məsələləri önə çəkilib bu istiqamətdə görülə biləcək mümkün işlər müzakirə edilib.
Tərəflər su resurslarının müasir texnologiyalarla idarə edilməsi və beynəlxalq əməkdaşlığın inkişafı mövzusunda ortaq fəaliyyət istiqamətinin seçilməsinə, gələcəkdə su ehtiyatları sahəsində ixtisaslaşmış mühəndislərin yetişdirilməsində və bu sahənin inkişafına dəstək verilməsi məqsədilə əməkdaşlığın genişləndirilməsində maraqlı olduqlarını qeyd ediblər.
Qonaqlar sonda universitetin laboratoriyalarına baş çəkib, maddi-texniki baza ilə yaxından tanış olublar.
1 /17
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər