STEAM Mərkəzlərində yeni təlim proqramlarına start verilib
Ölkənin müxtəlif regionlarında fəaliyyət göstərən STEAM Mərkəzlərində yeni təlim proqramlarına start verilib.
"Azərbaycan müəllimi" xəbər verir ki, müxtəlif yaş qruplarını əhatə edən bu proqram çərçivəsində şagirdlər innovativ təlimlərə qatılaraq robototexnika, proqramlaşdırma, mühəndislik, elmi eksperimentlər və yaradıcı layihələr üzrə bilik və bacarıqlar qazanırlar.
Təlimlər həm öyrədici, həm də əyləncəli mühitdə şagirdlərin texnologiya və yaradıcılıq dünyasını kəşf etməsinə şərait yaradır.
