ABŞ-nin Nyu-Meksiko ştatında məktəblərdə telefonlardan istifadə məhdudlaşdırılır
Nyu-Meksikoda qanunverici orqan yeni sessiyaya hazırlaşdığı bir vaxtda senator Kristal Brantli məktəblərdə şagirdlərin mobil telefon istifadəsini məhdudlaşdırmaq üçün təşviq proqramı təklif edir edən qanun layihəsi təqdim edib.
"Azərbaycan müəllimi" newsnationnow.com-a istinadən xəbər verir ki, məktəblərdə telefon istifadəsini böyüyən problem adlandıran Brantli gənclərin sosial mediada orta hesabla gündə 5 saatdan çox vaxt keçirdiyini və bunun artıq həddindən artıq olduğunu vurğulayıb.
Layihəyə əsasən, Nyu-Meksiko Dövlət Təhsil Departamentinə mobil telefon istifadəsini məhdudlaşdıracaq proqramlar hazırlamaq üçün maliyyə ayrılacaq.
Belə proqramlardan biri artıq Los-Ancelesdə tətbiq olunur – şagirdlər dərs zamanı telefonlarını kilidlənən çantaya qoyurlar. Bu çanta yalnız dərsdən sonra açılır.
Brantli telefonların şagirdlərin zəif təhsil nəticələrinə və psixoloji sağlamlıq problemlərinə səbəb olduğunu qeyd edərək bildirib:
“Bu dəyişiklik sinifdə sosial əlaqələri yaxşılaşdıracaq və şagirdlərin müəllimlərə, təlim-tədris prosesinə diqqət ayırmasını təmin edəcək".
Senator Brantli, həmçinin bu təşəbbüsün həm şagirdlərin təhsil göstəricilərinə, həm də onların psixoloji sağlamlığına müsbət təsir edəcəyini diqqətə çatdırıb.
