Bu peşə təhsil mərkəzinə yeni direktor təyin edilib
İlham Xasməmmədli Tovuz Dövlət Peşə Təhsil Mərkəzində direktor vəzifəsinə təyin edilib.
Bu barədə "Azərbaycan müəllimi"nə Peşə Təhsili üzrə Dövlət Agentliyindən məlumat verilib.
Bildirilib ki, İlham Xasməmmədli 2009-cu ildə Azərbaycan Dövlət Aqrar Universitetinin Mühəndislik fakültəsinin “Elektroenergetika mühəndisliyi” ixtisası üzrə bakalavr, 2014-cü ildə isə həmin ali təhsil müəssisəsinin “Elektrik təchizatı” ixtisası üzrə magistr təhsilini başa vurub.
Əmək fəaliyyətinə təhsil sahəsində başlayan İlham Xasməmmədli 2016–2024-cü illərdə Azərbaycan Dövlət Aqrar Universitetinin Mühəndislik fakültəsinin Energetika kafedrasında müəllim kimi çalışıb. O, eyni zamanda 2021-ci ildə “Azərişıq” ASC-nin “Qərb” Regional Enerji Təchizatı və Satışı İdarəsinin Qazax Elektrik Şəbəkəsində aparıcı mühəndis, 2025-ci ildə isə Qazax Dövlət Sosial-İqtisadi Kollecində müəllim vəzifələrində fəaliyyət göstərib.
14 avqust 2026-cı il tarixindən Tovuz Dövlət Peşə Təhsil Mərkəzinin direktoru təyin olunub.
