“Dalğanın gücü” komandası “FIRST LEGO LEAGUE Explore 2025” yarışının respublika turnirində həm komanda ruhu, həm də əməkdaşlıq nominasiyaları üzrə qalib olub.
“Azərbaycan müəllimi” xəbər verir ki, “STEAM Azərbaycan” layihəsinin təşkilatçılığı ilə keçirilən “FIRST LEGO LEAGUE Explore 2025” respublika turnirində ölkə üzrə 7–9 yaşlı məktəblilərdən ibarət 40-dan çox komanda iştirak edib. Gəncə məktəblilərinin təmsil olunduğu “Dalğanın gücü” komandası isə mötəbər yarışdan iki kubokla ayrılıb. Onlar “Team Spirit Award” və “Teamwork Award” nominasiyaları üzrə qaliblər sırasında yer alıblar.
Turnirin əsas məqsədi uşaqların elmə, texnologiyaya, mühəndisliyə marağını artırmaq, eləcə də onların analitik düşüncə, yaradıcılıq və əməkdaşlıq bacarıqlarını erkən yaşlardan inkişaf etdirməkdir. “Dalğanın gücü” komandası LEGO konstruksiyalarından hazırlanmış robotlarını proqramlaşdıraraq münsiflər heyətinə uğurla təqdim edib, yüksək qiymətləndirilib.
Komandanın mentoru – Gəncə şəhər 22 nömrəli tam orta məktəbin müəllimi Aynurə Orucova bu uğurun əldə olunmasında xüsusi rol oynayıb. Onun səyləri nəticəsində şagirdlər həm komanda işi, həm də texniki bacarıqlar sahəsində özlərini əminliklə nümayiş etdirə biliblər.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər