Bütün xəbərlər
27 fevral, 11:47

Arzunun sosial şəbəkədə paylaşılan şəkli mənə “Kitabi-Dədə Qorqud” eposunun qəhrəmanlarından olan Qaraca çobanı xatırlatdı. Onunla həmsöhbət olanda bildim ki, elə vətənə olan sevgisi, mərdliyi, təbiətə bağlılığı, zirəkliyi də ondan geri qalmır. 

“Azərbaycan müəllimi” samuxlu “Qaraca çoban”ı yaxından tanımaq üçün onunla həmsöhbət oldu. 

Samux rayonunun Çobanabdallı kəndində yaşayan 13 yaşlı Arzu Qədimov H.Zərdabi adına tam orta məktəbin 7-ci sinif şagirdidir. O,  demək olar ki, hər gün dərs oxumaqla yanaşı, atasına kömək etmək məqsədilə sürü də otarır. Dərslərində hər hansı problemin yaranmaması üçün vaxtını düzgün balanslaşdırır. Hətta sürü otararkən də dərsləri ilə məşğul olur.

Arzu ötən il Lütfi Zadə adına məntiq olimpiadasında rayon birincisi olub. Bu uğuruna görə ilk növbədə özünəinamına borcludur. İşlərini  planlaşdıra bilməsi, hazırlığını düzgün həyata keçirməsi də uğur qazanmasında xüsusi rol oynayıb. Arzu bu haqda danışarkən belə deyir: “Riyaziyyat fənnini çox sevirəm, buna görə məntiq də mənə maraqlıdır, onu tez başa düşürəm. Olimpiadaya hazırlaşanda Elmira Məmmədova mənə çox kömək etdi. Təəssüf ki, həmin müəllim hazırda təqaüddədir”.

Arzu kənd həyatını çox sevir. O, kənddə yaşamağın bir çox üstünlüklərinin də olduğunu düşünür: “Kənddə təhsil almağın yaxşı tərəfi odur ki, məktəbimiz evimizə yaxındır. Oraya piyada gedib-gəlirəm. Məktəbimizdə hər cür şərait var, bu mənim üçün çox vacibdir”.

Arzu təbiətə yaxın olmağın ona nələr öyrətdiyini də belə izah edir: “Sürü otarmaq mənə öyrətdi ki, heyvanlar insanların ən yaxın dostu ola bilər. Təbiət  çox gözəldir və biz bu gözəlliklərə zərər verməməliyik”.

Arzu sürü otararkən qorxulu anlar yaşadığını da bildirib: “Bir dəfə qoyunları otararkən yaxınlıqdan canavarların ulama səsini eşitdim. Səslər getdikcə yaxınlaşırdı, çox qorxdum. Tez qoyunları evə tərəf yönəltdim,  birtəhər evə çatdım. Kəndə vaxtında qayıtmasaydım, canavarlar bizi parçalayardı”.

“Sosial şəbəkələrdə vaxt keçirməkdənsə, təbiətin qoynunda olmaq daha gözəldir”

Düzdür, Arzunun boş vaxtı çox olmur. Buna baxmayaraq, sosial şəbəkələrdə də vaxt keçirir, amma çox az. 

O, təbiət qoynunda keçirdiyi vaxtı daha dəyərli sayır: “Bir çox kənd uşaqları da mənimlə razılaşar ki, sosial şəbəkələrdə vaxt keçirməkdənsə, təbiətin qoynunda olmaq daha gözəldir...”

 Arzunun gələcək arzuları

Arzu gələcəkdə həkim olmaq istəyir. “Əvvəllər polis olacağımı düşünürdüm, amma indi həkim olmağı  arzulayıram. Xəstə insanları sağaltmaq istəyirəm”, - deyə bildirib. O, həmçinin məntiq və riyaziyyatla bağlı bilgilərini də təkmilləşdirmək niyyətindədir: “Riyaziyyat və məntiq sahələrinə böyük marağım var, amma həkim olmaq mənim ən böyük arzularımdan biridir”.

Arzunun fikrincə, artıq uğur qazanmaq üçün ilk addımlarını atıb. İnanır ki, uğurlarının çoxalması onun arzularını gerçəkləşdirməyə kömək edəcək. “Uğurlu insanlar öz təcrübələrini başqalarına da öyrətməli və onları həvəsləndirməlidir”, - deyə əlavə edir.

Arzunun həyatı onu göstərir ki, kəndin sadə, təbiətə yaxın olan mühitində də böyük uğurlar əldə etmək mümkündür. İnanırıq ki, Arzu gələcəkdə yalnız öz arzularını reallaşdırmayacaq, həm də başqalarına örnək olacaq.

Şərhlər

Xəbər lenti

30 mart, 10:13

Tarixi faciələr şagirdlərə necə öyrədilməlidir?

29 mart, 15:35

“Şagirdlərin biliyinə qiymət vermək haqqında” QƏZETİN ARXİVİNDƏN

28 mart, 14:07

Novruz 2025: Təhsil işçiləri və tələbələrin birlik düşərgəsi – REPORTAJ

28 mart, 12:38

Əminağa Sadıqov: Elmi nəticələrimizi bazara çıxarmağa çalışmalıyıq

28 mart, 12:31

“Məktəbəqədər və ibtidai təhsil” jurnalı nüfuzlu elmmertik platformada qeydiyyata alınıb

28 mart, 10:39

Martın 29-da ilin ilk Günəş tutulması olacaq

27 mart, 17:22

"Mədəniyyət və yaradıcı sənayelər üzrə xüsusi Təqaüd Proqramı"na sənəd qəbulu başlayır

27 mart, 16:15

İqtisad elminin yorulmaz tədqiqatçısı, alim, pedaqoq

27 mart, 15:19

Prezident və birinci xanım Sarıcalıda məktəb və bağça açılışında iştirak ediblər

27 mart, 12:50

Nazir Fransa və digər Qərbi Avropa ölkələrində azərbaycanlı tələbələrlə görüşüb

27 mart, 11:52

Tələbə yaz məktəbləri uğurla davam edir

27 mart, 10:29

“Gənc müəllimlərin peşəkarlıq səviyyəsi artdıqca təhsilin səviyyəsi artır” – MÜSAHİBƏ

27 mart, 10:00

27 Mart Azərbaycanda Elm Günüdür

26 mart, 21:27

Emin Əmrullayev malayziyalı həmkarı ilə görüşüb

26 mart, 16:30

Motosiklet sürücülərinin təhlükəsizliyi ilə bağlı layihə  – Şagirdlərin yeni təşəbbüsü

26 mart, 14:48

Xankəndi şəhəri və Xocalı rayonu üzrə təhsil sektoruna yeni müdir təyin olunub

26 mart, 12:48

Elm və təhsil nazirinin rəhbərlik etdiyi nümayəndə heyəti Parisdə bir sıra görüşlər keçirib

26 mart, 12:46

Azərbaycanlı tələbə ABŞ-də keçirilən müsabiqədə birinci oldu

26 mart, 12:02

Qazaxıstan universitetlərinə sənəd qəbulu davam edir

25 mart, 18:21

Nazir UNESCO-nun “Elm Diplomatiyası üzrə Qlobal Nazirlər Dialoqu”nda iştirak edir

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.