Peşə təhsili müəssisələrində dövlət buraxılış imtahanları keçirilir
“Peşə təhsili pilləsində təhsilalanların attestasiyasının aparılması” haqqında Elm və Təhsil Nazirliyinin Kollegiyasının müvafiq qərarlarına uyğun olaraq 2025/2026-cı tədris ili üzrə dövlət buraxılış imtahanları təşkil edilir.
Bu barədə "Azərbaycan müəllimi"nə Peşə Təhsili üzrə Dövlət Agentliyindən məlumat verilib.
Elm və Təhsil Nazirliyi tabeliyindəki 73 peşə təhsili müəssisəsində təşkil edilən 1050 buraxılış imtahanı nəticə etibarilə 16 612 təhsilalanın yekun attestasiyasını əhatə edir. Buraxılış imtahanları təhsil proqramlarının (kurikulumların) tələblərinə uyğun təhsilalanların əldə etdikləri bilik, bacarıq və səriştələrin yekun qiymətləndirilməsinə xidmət edir.
Qeyd edək ki, buraxılış imtahanlarının təşkili və icrası prosesinə Peşə Təhsili üzrə Dövlət Agentliyi tərəfindən onlayn nəzarət mexanizmi tətbiq olunur.
