Bütün xəbərlər
13 dekabr, 13:22

“Beynəlxalq İqtisadiyyat Olimpiadası 2025”in (International Economics Olympiad-IEO) Azərbaycanda keçirilməsi ilə bağlı müqavilə imzalanıb. 

"Azərbaycan müəllimi" xəbər verir ki, bu münasibətlə keçirilən tədbirdə tanınmış iqtisadçılar, yerli və beynəlxalq nümayəndələr, media təmsilçiləri iştirak ediblər.

Mərasimi IEO-nun layihə meneceri Eyvaz Qafarov açaraq International Economics Olympiad (IEO) haqqında geniş məlumat verib. Qeyd olunub ki, adıçəkilən olimpiada dünyada iqtisadiyyat, maliyyə savadlılığı və biznes sahəsində şagirdlərə dəstək məqsədilə keçirilən ən nüfuzlu beynəlxalq tədbirlərdən biridir:

“Bu platformada iştirak yalnız rəqabət deyil, həm də gənclərin iqtisadi biliklərini inkişaf etdirmək, gələcək liderlik bacarıqlarını formalaşdırmaq və müxtəlif ölkələrdə  olan istedadlı gənclərlə fikir mübadiləsi aparmaq üçün unikal bir fürsətdir. Olimpiada iqtisadiyyat və maliyyə savadlılığına dair bilikləri geniş yaymaq, gənc iqtisadçıları və maliyyə mütəxəssislərini kəşf etmək, onları beynəlxalq səviyyədə mükafatlandırmaq, qlobal təhsil standartlarını birləşdirərək ölkələr arasında təcrübə mübadiləsini təmin etməkdir. Bu günə qədər bir sıra ölkələrdə təşkil olunan olimpiada 2025-ci ildə Azərbaycanda keçiriləcək. Azərbaycanın IEO 2025-ə ev sahibliyi etməsi çox ciddi səsvermənin nəticəsidir. Həmin prosesdə iştirak edən ölkələrin 82 faizi yekdilliklə final mərhələsinin Bakıda keçirilməsinə səs verib. Bu da ölkəmizin beynəlxalq iqtisadi təhsil tədbirlərinə ev sahibliyi etmək üçün mükəmməl şərtlərə sahib olduğunu sübut edir”.

Eyvaz Qafarov daha sonra ölkəmizdə IEO 2025 olimpiadasına hazırlıq mərhələləri, İEO-nun ölkəmizin iqtisadi ekosisteminə töhfəsi barədə də ətraflı söz açıb.

IEO İdarə Heyətinin rəhbəri Alexandr Jitkovski IEO-nun beynəlxalq səviyyədə rolunu diqqətə çatdıraraq Azərbaycanın bu mötəbər tədbirə öz uğurlu töhfələrini verəcəyinə əminliyini ifadə edib.

"Global Olympiad Center"in direktoru, Azərbaycanın IEO üzrə təşkilatçısı Xəyal İbrahimzadə ölkəmizin bu nüfuzlu tədbirə ev sahibliyi etməsinin müstəsna əhəmiyyətindən, olimpiadaya hazırlıq prosesindən və bununla bağlı həyata keçiriləcək tədbirlər barədə ətraflı məlumat verib.

Bildirilib ki, yanvarın 19-da IEO-nun final mərhələsində iştirak etmək üçün Azərbaycan milli komandasının seçimləri başlayacaq. Respublika üzrə 4 regional məkanda keçiriləcək bu seçimlərdə şagirdlər öz iqtisadiyyat biliklərini nümayiş etdirmək şansı qazanacaqlar.

Onu da qeyd edək ki, IEO 2025 çərçivəsində 71 ölkədən 478 iştirakçının Bakıya gəlməsi planlaşdırılır. Bununla yanaşı, Nobel mükafatçıları Daron Acemoğlu, Erkin Maskin, həmçinin Banqladeşin baş naziri Məhmad Yusuf kimi tanınmış şəxslərin də tədbirdə iştirakı gözlənilir. Azərbaycanın tanınmış iqtisadçıları və bir sıra qurumların rəhbərləri də bu tədbirdə iştirak edəcəklər.

"IEO 2025" azərbaycanlı şagirdlərin iqtisadi biliklərini artırmaqla yanaşı, onların dünya iqtisadiyyatına töhfə verə biləcək qlobal liderlər kimi yetişməsinə imkan yaradacaq. Şagirdlər yarış zamanı beynəlxalq iqtisadi problemləri həll etmək üçün innovativ ideyalar irəli sürərək qlobal iqtisadiyyatın inkişafına öz töhfələrini verəcəklər. Bu olimpiada, həmçinin ölkəmizdən olan gənclərin qlobal əməkdaşlığa qatılaraq yeni iqtisadi perspektivlər formalaşdırmasına şərait yaradacaq.

1 /5

Xəbər lenti

5 fevral, 09:45

Bakı “Avrasiya Universitetləri Sammiti”nə ev sahibliyi edəcək

5 fevral, 09:32

Ölkəmizdə ilk dəfə “Biotəhlükəsizlik və biomühafizə” fənni tədris olunacaq

5 fevral, 09:28

ETN yanında İctimai Şuranın üzvləri Təhsilin İnkişafı Fondunda olublar

5 fevral, 09:25

“ADPU 2030” Strateji inkişaf planı qəbul olunub

5 fevral, 09:19

Azərbaycanlı məktəblilər ilk dəfə “SpaceX” raketi ilə orbitə peyk buraxacaqlar

4 fevral, 18:55

2032-ci ildə Yerə dəyə biləcək asteroid kəşf olunub 

4 fevral, 17:44

Uşaqlar rol-modellərini necə seçirlər?

4 fevral, 17:40

Uşaqları ekran qarşısından uzaqlaşdırmaq üçün “meşə məktəbləri” yanaşması 

4 fevral, 17:33

Ümumi təhsil müssisələrində fəaliyyət göstərən metodistlərlə görüş keçirilib

4 fevral, 17:21

Şirvan-Salyan regionunda 4 məktəb üçün yeni bina tikilir 

4 fevral, 17:17

Süni intellekt fundamental fizikada inqilab yarada bilər

4 fevral, 16:51

Doktorantura birpilləli olarsa, elm daha da gəncləşəcək - Mütəxəssis

4 fevral, 16:36

“Post-it” pedaqogikası 

4 fevral, 16:31

Liderlik qabiliyyətinin inkişafı şagirdlərin sosial-ictimai həyatına necə təsir edir?

4 fevral, 16:05

Məşğulluq imkanlarını artırmaq üçün tələbələrin ehtiyacı olan 5 bacarıq

4 fevral, 15:48

Nəzakət Mehdiyeva: Müəllim üçün ən yaxşı öyrənmə metodu “dərsin qeybətini etmək”dir

4 fevral, 15:43

Arxeoloqlar 1300 illik artefakt tapıblar 

4 fevral, 15:40

Mikroplastiklər yediyimiz qidalarda, içdiyimiz suda, hətta aldığımız havada mövcuddur - TƏDQİQAT

4 fevral, 15:03

Məktəblərdə davranış problemlərinin həllində cərimələr rol oynaya bilər?

4 fevral, 14:53

Şagirdlər üçün fövqəladə hallarla bağlı təlimlər keçirilib

Şərhlər (0)

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.